ខ្សែ​ប្រយុទ្ធ Heugn-Min Son រក​បាន​មួយ​​គ្រាប់​ជួយ Spurs យក​ឈ្នះ Brentford ២-០ ក្នុង​វគ្គ​ពាក់​កណ្ដាល​ផ្ដាច់ព្រ័ត្រ League Cup។ គ្រាប់​ដំបូង​របស់ Spurs ​ធ្វើ​បាន​នៅ​នាទី​ទី​១២ ដោយ​ការ​តែត​បញ្ចូល​ទី​របស់​កីឡាករ Moussa Sissoko យ៉ាង​ស្អាត ក្រោយ​មាន​ការ​បញ្ជូន​ពី Sergio Reguilon។ ការ​ប្រកួត​រង​ចាំ​ដល់​នាទី​៧០​ទើប Son រក​បាន​មួយ​គ្រាប់ ធានា​ឲ្យ Spurs ឈ្នះ ២-០ ក្នុង​ការ​ប្រកួត​នេះ។

​ខ្សែ​ប្រយុទ្ធ Son Heung-Min ​រក​បាន​១​គ្រាប់​ជួយ​ក្រុម Spurs ​យក​ឈ្នះ​លើ​ក្រុម Leeds United ​ក្នុង​លទ្ធផល ៣-០ ​សម្រាប់​ការ​ប្រកួត​ពាន​រង្វាន់ English Premier League ​។ ​១​គ្រាប់​នៅ​យប់មិញ​នេះ​ដែរ ​បាន​ធ្វើ​ឱ្យ​កីឡាករ​កូរ៉េ​ខាង​ត្បូង​ខាង​លើ​នេះ ​ក្លាយ​ជា​អ្នក​រក​គ្រាប់​បាល់​បាន​១០០​គ្រាប់​ឱ្យ​ក្រុម Spurs ​ហើយ​ក្នុង​រយៈ​ពេល​តែ​ប៉ុន្មាន​ឆ្នាំ​មក​នេះ​ប៉ុណ្ណោះ។ ​មិន​ត្រឹម​តែ​ទទួល​បាន​កំណត់ត្រា​នេះ​ទេ ​កីឡាករ​វ័យ​២៨​ឆ្នាំ​ខាង​លើ​នេះ​ក៏​ត្រូវ​បាន​គេ​ចាត់​ទុក​ថា​ជា​ខ្សែ​ប្រយុទ្ធ​បញ្ចប់​ទី​ល្អ​ម្នាក់​នៅ​លីគ​កំពូល​អង់គ្លេស​ផង​ដែរ។ ​

តារា​របស់ Spurs ខ្សែ​ប្រយុទ្ធ​ Son Heung-min បាន​ឈ្នះ​ពាន​រង្វាន់​​កីឡាករ​ឆ្នើម​ប្រចាំ​ឆ្នាំ​របស់​កូរ៉េខាងត្បូង។ នេះ​ជា​ការ​ប្រកាស​របស់​សហព័ន្ធ​បាល់ទាត់​របស់​កូរ៉េ​ខាង​ពី​ថ្ងៃ​ច័ន្ទ។ នេះ​ជា​លើក​ទី​៥​ហើយ​ដែល​កីឡាករ​វ័យ​២៨​ឆ្នាំ​ឈ្នះ​ពាន​រង្វាន់​មួយ​នេះ បន្ថែម​កំណត់ត្រា​​របស់​ខ្លួន​​ក្នុង​អាជីព​បាល់ទាត់។